Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Васіль Вітка - Свята настаўніцы

   Ужо гатовая ісці ў школу, Юля раптам спахапілася:
   – Ой, сёння ж свята!
   – Якое, Юлечка? – спыталася бабка.
   – Дзень настаўніка.
   Позна было шукаць кветак. І бабка зрэзала апошнія астры, якія дацвіталі ў гаршчочках на балконе. Букет атрымаўся бедны і сіратлівы. Гэта адчувала і ўнучка, несучы яго ў школу.
   Вінавата падышла яна да стала настаўніцы і паклала кветкі. Села за парту і ніяк не магла супакоіцца. Вельмі ж яна любіла сваю настаўніцу. Хацелася зрабіць ёй нешта асабліва прыемнае.
   Юля адкрыла партфелік. Ой, якая знаходка! У партфеліку ляжаў «Залаты пеўнік» – адна-адзіная цукерка. Дзяўчынка абрадавалася шчаслівай нечаканасці. Яна дастала цукерку і паклала побач з астрамі.
   Настаўніца ўвайшла ў клас. І хоць яшчэ не зірнула на стол, але так радасна ўсміхнулася – мабыць, убачыла Юлін падарунак.

Похожие статьи:

Юрась СвіркаЮрась Свірка - Свята

Казімір КамейшаКазімір Камейша - Сакавік

Мікола ЧарняўскіМікола Чарняўскі - Ёлка

Васіль ЖуковічВасіль Жуковіч - Цудоўныя святы

Васіль ЖуковічВасіль Жуковіч - Калядная вячэра