Найти на сайте: параметры поиска

Увага!!! Невялікія апавяданні і вершы пададзены ў поўным варыянце.

Набыць беларускія кнігі можна на сайце halijafy.by

  Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



З агню ды ў полымя

   У сцішаным алешніку з вербалозам пятляе размораная спёкай безназоўная рачулка.
   Аб чымсьці сваім патаемным яна бубніць на быстрынях і перакатах, змаўкаючы, задумваецца ў зацененых вірках і затоках, бесклапотнай гарэзаю скача па сонечных лужках і прагалінках між кустоў.
   Я сяджу з вудачкамі каля «ямы» і чакаю таго моманту, калі нарэшце заварушыцца паплавок, уздрыгне і наўскасяк пойдзе пад ваду.
   Рыба не бярэцца. I я міжволі пачынаю слухаць вясёлую песеньку малінаўкі-перасмешніцы, якая заўзята спявае ў суседнім кусце вярбы, дыхаю водарам чэрвеньскага разнатраўя.
   Раптам у некалькіх метрах ад мяне нешта моцна пляснула. У тую ж хвіліну з вады стралою выскачыў невялічкі шчупачок і нечакана для сябе апынуўся на процілеглым беразе. Гэта нешта (а гэта быў вялікі шчупак, які гнаўся за меншым сабратам) развярнулася тарпедай, бліснуўшы ў вадзе, і знікла ў глыбіні. Першы ж высока падскокваў на траве, спрабуючы як-небудзь вярнуцца назад у сваю стыхію.
   Не паспеў я яшчэ вырашыць, як мне перабрацца на другі бераг і што рабіць з гэтым бедалагам-шчупачком, як раптам аднекуль з’явілася шэрая варона. Птушка каменем кінулася на зямлю, схапіла ў дзюбу рыбіну і таропка знікла з ёю ў хмызняку.
   Вось ужо сапраўды, як кажуць: з агню ды ў полымя. Ад вадзянога драпежніка шчупачок уратаваўся, дык паветранаму ў кіпцюры патрапіў.

Похожие статьи:

Рыгор ІгнаценкаРыгор Ігнаценка - Дупляначка

Рыгор ІгнаценкаРыгор Ігнаценка - Вясна ідзе

Рыгор ІгнаценкаРыгор Ігнаценка - Ягады пад снегам

Рыгор ІгнаценкаРыгор Ігнаценка - Ганарлівая птушка

Рыгор ІгнаценкаРыгор Ігнаценка - Грыбнік