Найти на сайте: параметры поиска

Увага!!! Невялікія апавяданні і вершы пададзены ў поўным варыянце.

Набыць беларускія кнігі можна на сайце halijafy.by

  Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Зялёныя сцягі

   Снег растаў, але зеляніны яшчэ няма. Голыя дрэвы, голыя хмызнякі, голая зямля. У лесе шэра, аднастайна. Толькі не маркотна, як гэта бывае восенню.
   Вось таропка пераляцеў сонечную палянку жоўты матылёк-крушыннік. Мільгануў стракатым шматком паміж чорных ствалоў і знік.
   А вось на сухі асінавы пянёк крапіўнік сеў – маленькая рыжая птушачка. Узняў угору куртаты хвосцік і давай у горле срэбныя шарыкі перакочваць.
   Над затопленым вадою балотцам баранчык «траву сее».
   – Бэ-э-э! Бэ-э-э! – чуецца яго радасная вясновая песня.
   Чырванагрудая берасцянка весела спявае на макаўцы пабурэлай бярозы, попаўзень тонка свішча на сухастоіне. Турок дзесьці ў бары буркуе:
   – Бу-бу! Бу-бу!
   Над лужынай талай вады баязліва дрыжаць пушыстыя коцікі вярбы. I ўжо чэрціць, чэрціць сінюю роўнядзь павук-вадамер.
   На ўзлессі вясковая жывёла пасвіцца, якую выгналі на першую размінку пасля доўгай зімы. Сіні дым ад вогнішча, што расклалі пастушкі, ціха плавае між голых кустоў і дрэў. У паветры тонка пахне гаркаватасцю альховых дроў і смажанага сала.
   Зіма пераможана. Не сёння-заўтра вясна развесіць на дрэвах і хмызняках свае пераможныя зялёныя сцягі.

Похожие статьи:

Рыгор ІгнаценкаРыгор Ігнаценка - Ганарлівая птушка

Рыгор ІгнаценкаРыгор Ігнаценка - Дупляначка

Рыгор ІгнаценкаРыгор Ігнаценка - Грыбнік

Рыгор ІгнаценкаРыгор Ігнаценка - Ягады пад снегам

Рыгор ІгнаценкаРыгор Ігнаценка - Вясна ідзе