Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Рыгор Барадулін - Пеўнік-весялун

Ку-ка-рэ-ку!
Хвост дугой.
Не сябрую я з тугой.
Я знайшоў
Для малышоў
Зерне дзіўных спарышоў.
Вырастае з зерня смех,
Аж яго не ўмесціць мех.
А яшчэ
Растуць загадкі,
Жарты,
Казкі-самаскладкі.
Прыбабунькі
І шаптушкі
Хітрыя тапыраць вушкі.
І казычуць,
Як іглінкі,
Весялінкі
Штохвілінкі.
Тых,
Хто сумным стаць паспеў,
Будзіць
Мой вясёлы спеў.

 

Похожие статьи:

Казімір КамейшаКазімір Камейша - Адкуль прыйшоў гліняны пеўнік

Казімір КамейшаКазімір Камейша - Гліняны пеўнік

Станіслаў ШушкевічСтаніслаў Шушкевіч - Хрыпаты пеўнік

Алесь БадакАлесь Бадак - Белы Пеўнік

Анатоль ГрачанікаўАнатоль Грачанікаў - Задача