Казімір Камейша - Гліняны пеўнік

Глінянага пеўніка
Мне падарылі.
Гліняныя ў пеўніка
Ножкі і крылы.

Хвост пер’ем гарыць,
І грабеньчык іскрыцца,
І свецяцца вочы,
Нібыта суніцы.

Ён самы прыгожы
З глінянай сямейкі.
Ну, пеўнік як пеўнік,
Ды дзіўны ён нейкі.

Пяюць галасістыя
Пеўні ў дварышчы.
А мой не спявае.
А мой толькі свішча.

Похожие статьи:

Анатоль Грачанікаў → Анатоль Грачанікаў - Задача

Алесь Бадак → Алесь Бадак - Белы Пеўнік

Казімір Камейша → Казімір Камейша - Адкуль прыйшоў гліняны пеўнік

Рыгор Барадулін → Рыгор Барадулін - Пеўнік-весялун

Станіслаў Шушкевіч → Станіслаў Шушкевіч - Хрыпаты пеўнік