Бялее снег пушысты.
Сняжынкі навакол,
Нібы парашутысты,
Спускаюцца на дол.
Ад гэткай прыгажосці
Скакаць і пець хачу.
– Адкуль, адкуль вы, госці? –
Гарэзліва крычу.
– Мы з ледзяной дзяржавы,
З адвечнае зімы.
I снежныя забавы
Нясём з сабою мы.
Нясём мы бабу снежную
На срэбраным крыле,
Нясём пургу мяцежную,
Што скача на мятле.
Ляцім мы ўсе здалёку.
Нас на зямлю з нябёс
Паслаў яго высокасць
Мароз, Чырвоны нос.
Похожие статьи:
Пераказы, дыктанты → Першы снег (Паводле X. Лялько)
Васіль Жуковіч → Васіль Жуковіч - Ляцяць сняжынкі
Казімір Камейша → Казімір Камейша - Першы снег
Пераказы, дыктанты → Першы снег (Паводле І. Грамовіча)
Якуб Колас → Якуб Колас - Першы снег