Пятрусь Броўка - Ты шчодры будзь! Хтось не забудзе...

Ты шчодры будзь! Хтось не забудзе
I ўспамяне цябе калісь.
Ты не шкадуй нічога людзям,
Калі што людзям на карысць.

Ад шчырасці дабра ты зычыш.
Няма высакародней спраў.
Ты сэрца людзям распазычыў,
Хай нудзіць той, хто не аддаў.

Быць скнараю – няма ў тым толку,
Ты ж добра ведаеш, як жыць,
Што аднаго кахання толькі
Ні з кім няможна падзяліць!

Похожие статьи:

Пятрусь Броўка → Пятрусь Броўка - Кастусь Каліноўскі

Пятрусь Броўка → Пятрусь Броўка - Зямля Беларусі (Урывак з паэмы "Беларусь")

Пятрусь Броўка → Пятрусь Броўка - Кропля

Пятрусь Броўка → Творчасць Петруся Броўкі

Пятрусь Броўка → Матывы і вобразы лірыкі Петруся Броўкі