Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Пятрусь Броўка - Бывае, што хтосьці пакіне свой дом...

Бывае, што хтосьці пакіне свой дом
І дзесьці навек асядае...
А я, дзе , ні быў, у старое гняздо
Як бусел, заўжды прылятаю.

Няхай акіяны, хай горы да зор,
Чаго б ні пабачыла вока,
Прымчуся дахаты, як гляну на бор,
І так уздыхну я глыбока.

Тут сосны і грабы, рабіны і клён
І елкі, што вецер насеяў.
Між пушчаў для сэрца і свой Парфенон,
Для сэрца свае Калізеі.
 
Хіба я на свеце знайду пекнату,
Як тут, на маёй Беларусі?
Бывае, як бусел, ізноў паляту,
Але неўзабаве вярнуся.

 

Похожие статьи:

Пятрусь БроўкаТворчасць Петруся Броўкі

Пятрусь БроўкаПятрусь Броўка - Кастусь Каліноўскі

Пятрусь БроўкаПятрусь Броўка - Зямля Беларусі (Урывак з паэмы "Беларусь")

Пятрусь БроўкаМатывы і вобразы лірыкі Петруся Броўкі

Пятрусь БроўкаПятрусь Броўка - Кропля