Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Ніл Гілевіч - Калі ранец лёгкі і калі цяжкі

Школьны ранец
Можа быць
I цяжкі і лёгкі.
А чаму і як, сябры, –
Запытайце ў Лёўкі.

Ён са школы ўчора бег
Праз усю дарогу –
Толькі ранца
На сабе
Не адчуў ні троху.

Хоць было
У ранцы тым
Кніг бітком набіта,
А здаваўся ён пустым,
Без вагі нібыта.

Ветру хуткага хутчэй
Лёўка ўбег у хату
I адразу ад дзвярэй
Гучна крыкнуў тату:
 
– Паглядзі,
Што я прынёс:
"Дзесяць"
Ў кожным сшытку!..
I глядзеў угору нос –
Ад пачуццяў збытку.

А сягоння –
Проста жах
Лёўка наш са школы
Крочыў ледзьве не ў слязах –
Гэткі невясёлы.

Ранец новенькі такім
Непрыгожым здаўся,
А цяжэрны –
Хоць ты кінь! –
Лёўка аж згінаўся.
I глядзеў не ўгору нос,
А ў зямлю, дадолу...

Што ж такое Лёўка нёс?
Што валок дадому?

 

Похожие статьи:

ПераказыВясковы асветнік

Кастусь ЖукКастусь Жук - Урок

ПераказыДарога ў школу

Авяр’ян ДзеружынскіАвяр’ян Дзеружынскі - Хто вас у школу сабіраў?

Мікола ЧарняўскіМікола Чарняўскі - Пайшлі ад нас канікулы