Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Кастусь Жук - Урок

Кожны ўрок – да ведаў крок.
Ты вучы, вучы, дзіцятка,
Скуль бярэцца куранятка,
Скуль жыцця ідзе выток.

ДВА плюс ДВА – ЧАТЫРЫ роўна
Гэта вывучы тактоўна.
ТРЫ плюс СЕМ – канечне ж, ДЗЕСЯЦЬ,
А не ВОСЕМ і не ДЗЕВЯЦЬ.

Веданне – да ведаў поступ.
Ты адчуй, як гэта проста –
Навучыцца памнажаць
ПЯЦЬ на ШЭСЦЬ, ці ШЭСЦЬ на ПЯЦЬ.

Паўтарай жа, як замову:
МО-ВА – ДУМ ПЕР-ША-АС-НО-ВА.

Без яе табе – ніколі
Не апець зямлі акрасу,
Не асіліць веды ў школе,
Не адрозніць КВАС ад КЛАСа.

Прад табой – старонкі кніг
З мілым, любым, родным словам,
Там бруіцца наша мова –
Мова прадзедаў тваіх.

Кніга ж – мудрасці глыток,
Палюбі яе спачатку,
I засвоіш ты, дзіцятка,
Што яна – да ведаў крок.

 

Похожие статьи:

Авяр’ян ДзеружынскіАвяр’ян Дзеружынскі - Хто вас у школу сабіраў?

ПераказыВясковы асветнік

ПераказыДарога ў школу

Васіль ЖуковічВасіль Жуковіч - Першая настаўніца

Мікола ЧарняўскіМікола Чарняўскі - Пайшлі ад нас канікулы