Кастусь Жук - Беларуская зіма

Беларуская зіма –
Гэта цуд, паверце.
Прыгажэй нідзе няма
Аж на цэлым свеце.

Дрэвы – ў снежным серабры.
Хаты – ў шапках белых.
Лес – кашлаты і стары –
Быццам амярцвелы.

А як пройдуцца вятры
Па зямных прасторах –
Ты убачыш на двары
Мірыяды зорак.

Вока будуць чараваць
Светлячкі-сняжынкі.
Будуць лыжнікаў склікаць
Горкі і сцяжынкі.

Похожие статьи:

Цішка Гартны → Цішка Гартны - Зімовы вечар

Васіль Жуковіч → Васіль Жуковіч - Мароз

Кастусь Жук → Кастусь Жук - Снежань

Ларыса Геніюш → Ларыса Геніюш - На каньках

Пераказы, дыктанты → Зімой у лесе