Казімір Камейша - Першы снег

Пасыпаў мяккі снег,
I раніцай сама
Паклікала мяне
На вуліцу зіма.

Перш чым пайсці ў зіму,
Што я з сабой вазьму?
Найперш дастану з шафы
Я паліто і шалік.

А каб не прастудзіцца,
Надзену рукавіцы,
Махнатую вушанку
I... не забуду санкі.

Перш чым пайсці ў зіму,
Я восень абдыму
I ліст пашлю вясне:
«Прыходзь, як адпачнеш!»

Похожие статьи:

Пераказы, дыктанты → Першы снег

Пераказы, дыктанты → Першы снег

Юрась Свірка → Юрась Свірка - З першым снегам

Якуб Колас → Якуб Колас - Першы снег

Максім Лужанін → Максім Лужанін - Снег