Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Змітрок Бядуля - Сняжынкі

Сняжыначкі-пушыначкі
Ляцелі матылькамі.
Над хмызамі над шызымі
Дыміліся дымкамі.

Зіхцеліся, мігцеліся
У розныя калёры.
Драбнюткія, пякнюткія,
Як зоранькі, як зоры.

Насіліся, кружыліся
Над ціхімі палямі,
Даліначкі сняжыначкі
Пакрылі дыванамі.

Над ёлкамі, над хвойкамі
Спявалі спевы-баі:
"Мы хатачкі-палатачкі,
Будуем тут у гаі.

Маленькія, міленькія
Дзіцяткі-птушаняткі,
Ляціце вы, скачыце вы
У светленькія хаткі!

Вушастыя, пушыстыя,
З драцінкамі-вусамі
Вы, зайчыкі-малойчыкі,
У хаткі к нам таксама!"

Сняжыначкі-пушыначкі
Спявалі песні-баі:
"Мы хатачкі-палатачкі
Будуем тут у гаі".

 

Похожие статьи:

ПераказыПершы снег

ПераказыПершы снег

Юрась СвіркаЮрась Свірка - З першым снегам

Якуб КоласЯкуб Колас - Першы снег

Казімір КамейшаКазімір Камейша - Першы снег