То не снег – то чаромха цвіце:
Падарунак вясны-дабрадзейкі,
То не снег – то бярозка расце,
То не снег – матылёчкаў сямейка.
То не шоўк – гэта рунь пад гарой,
То вясны маладой арнаменты,
То не скарб дарагі над зямлёй –
То праменняў блішчаць дыяменты.
То не водгукі струн залатых, –
То жаўронак чаруе ратаяў;
Ён у спевах вясновых у тых
Хараство ніў-палёў усхваляе.
Похожие статьи:
Якуб Колас → Якуб Колас - Вясна
Пераказы, дыктанты → Абуджэнне
Пераказы, дыктанты → Сустрэча вясны
Пераказы, дыктанты → Гуканне вясны
Пераказы, дыктанты → Прыход вясны