Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Васіль Хомчанка - Мама

   Сяргейку прывезлі ў вёску. Там ён пабег на лужок, дзе хадзіла карова Рагуля з маленькім гарэзлівым бычком.
   – Здароў, белалобы, – павітаўся Сяргейка.
   А той узбычыў лабастую галаву і пайшоў на хлопчыка.
   – Букацца хочаш? – спытаў Сяргейка і, нагнуўшыся, выставіў наперад сваю галаву. – Давай.
   Белалобы пабаяўся букацца, павярнуўся і пабег ад Сяргейкі. Сяргейка – за ім. Але не дагнаў і схаваўся за кусцік. Бычок туды-сюды, а Сяргейкі няма.
   – Не знайшоў! Не знайшоў! – закрычаў Сяргейка і выскачыў з-за куста. – Цяпер ты хавайся.
   Ён закрыў рукамі вочы, а бычок – бягом у хмызняк. Сяргейка знайшоў яго адразу і застукаў:
   – Бачу, вылазь!
   А белалобы не можа выбрацца з хмызняку – забраўся аж у самы гушчар.
   – Му-му! – паклікаў ён маці. Рагуля нават не павярнулася на гэты кліч. Скубе сабе траву і скубе.
   – Му-му-му! – яшчэ мацней загаласіў бычок.
   Тады Сяргейка яму сказаў:
   – Ты не так завеш: не му-му, а ма-ма.
   – Му-му!
   – Мама, – зноў паправіў Сяргейка і з усяе сілы крыкнуў: – Мама!
   Гэты кліч пачулі адразу абедзве мамы – Сяргейкава і белалобага. Сяргейкава маці абняла цяля за шыю, а Рагуля штурхнула яго пад бок пысай. I вывелі белалобага на лужок.
   – Вось бачыш, – зарадаваўся Сяргейка, – паклікалі як трэба, мамы і прыйшлі.

Похожие статьи:

Васіль ХомчанкаВасіль Хомчанка - Дзве Дашы

Васіль ХомчанкаВасіль Хомчанка - Яблык

Васіль ХомчанкаВасіль Хомчанка - Янкава рукавічка

Васіль ХомчанкаВасіль Хомчанка - Звон пад зямлёй

Васіль ХомчанкаВасіль Хомчанка - Білеты у цырк