Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Васіль Жуковіч - Бусел над Хатынню

Пакружыўся над Хатынню бусел
сонечна-пагодлівай вясною:
каміны стаяць. І людзі ў скрусе.
А нідзе хаціны ні адной.

Заміраюць галасы людскія,
гукі абуджальнае вясны,
і плывуць трывожныя такія,
тонкія жалобныя званы.

Пакружыўся над Хатынню бусел
і паплыў у светлую смугу.
Ён не ведаў болю Беларусі,
пэўна ж, ён адчуў яе тугу.

Пакружыўся бусел над Хатынню
і ў смузе пад воблакамі знік.
Папялішча ўсё яшчэ не стыне,
і ў грудзях не замірае крык.

 

Похожие статьи:

ПераказыЗваны памяці

Анатоль ВярцінскіАнатоль Вярцінскі - Вечны сон, вечны звон

ПераказыЗваны Хатыні

Аркадзь КуляшоўАркадзь Куляшоў - Над спаленай вёскай

Алесь АдамовічАлесь Адамовіч - Хатынская аповесць