Алег Лойка - Верабейчык, верабей

Верабейчык, верабей,
Шэранькая птушка,
Не цвілікай на вярбе,
Не будзі дачушкі.
 
Спіць яна салодкім сном
На падушцы белай,
І прыціх увесь наш дом,
Быццам анямелы.
 
Толькі ты адзін у нас
Гэткі несвядомы:
На галінцы ля вакна
Ціўкаеш без стомы.
 
Ці маленькіх у цябе
Не было ніколі,
Што ля дому на вярбе
Ты шуміш, сваволіш?

Похожие статьи:

Алег Лойка → Алег Лойка - Радзіме

Алег Лойка → Алег Лойка - Два шчырых словы

Алег Лойка → Алег Лойка - Сівы конік

Алег Лойка → Алег Лойка - Над Шчарай

Алег Лойка → Алег Лойка - Скачуць, скачуць жарабяткі...