Найти на сайте: параметры поиска

Увага!!! Невялія апавяданні і вершы пададзены ў поўным варыянце.

Пры выкарыстанні матэрыялаў сайта спасылка на karotkizmest.by абавязкова

Набыць беларускія кнігі можна на сайтах prastora.by і knihi.by.

Если стихотворение не отображается на экране смарфона, раверните экран горизонтально.



Максім Багдановіч - Санет (Прынадна вочы ззяюць да мяне...)

Кнопка отправить на печать

Прынадна вочы ззяюць да мяне; 
Чароўна усміхаючыся, губы 
Адкрылі буйныя бялеючыя зубы... 
Ласкавы шэпт... Гарачай хваляй мкне
 
Кроў к сэрцу маяму. Мана ўсё або не? 
Ці верыць мілым абяцанкам любы? 
Мо гэта жар, пылаючы для згубы, 
Хавае сцюжу пад сабой на дне?
 
Так, іншы раз, над соннаю зямлёю 
Агністаю дугою залатою 
Прарэжа цемень яркі метэор.
 
Гарыць ён, іскры сыпе і нясецца, 
Бліскаючы мацней ад ясных зор, – 
А ў глыбіні халодным астаецца.

Комментарии (0)

Нет комментариев. Ваш будет первым!