Найти на сайте: параметры поиска

Увага!!! Невялікія апавяданні і вершы пададзены ў поўным варыянце.

Набыць беларускія кнігі можна на сайце halijafy.by

Электронныя версіі беларускіх кніг на сайце kniharnia.by, для дзетак chitaemdetyam.com

  Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Васіль Зуёнак - Я са шляхоў далёкіх...

Кнопка отправить на печать

Я са шляхоў далёкіх і цяжкіх
Дамоў гасцінцаў прывязу такіх:
З паклонам бацьку –
Мужнасць і адвагу;
Братам – па-брацку:
Да палётаў прагу;
На завушніцы для малой сястрычкі –
Дзве зіхатлівыя
Смяшынкі-знічкі;
Ласкавай жонцы –
Зорак на каралі;
Сынам – сто сонцаў
Неадкрытых
I сто даляў...
I кожны будзе ў захапленні, мусіць...
...Дзень добры, мама,

 вось і я,

 вярнуўся...



Адказы на пытанні:
   1. Верш Васіля Зуёнка "Я са шляхоў далёкіх..." перадае пачуцці лірычнага героя. Твор прасякнуты радасным настроем прадчування сустрэчы з блізкімі людзьмі: маці, бацькам, сястрычкай, братамі, жонкай і сынам.
   2. У сваім маналогу лірычны герой уяўляе пра тое, як ён пасля доўгага падарожжа сустрэнецца са сваімі роднымі. Ён усхваляваны сустрэчай з роднымі яму людзьмі. Але падарункі яго не зусім звычайныя. Замест канкрэтных рэчаў ён збіраецца падарыць сваім блізкім прыгажосць усяго свету, у якім пераважаюць перш за ўсё маральныя якасці: "мужнасць і адвага", "да палётаў прага", а таксама "дзве зіхатлівыя смяшынкі-знічкі" на завушніцы маленькай сястрычцы, для жонкі зоркі на каралі, сынам – "сто сонцаў неадкрытых і сто даляў...". Аўтар выдатна ведае, што чакаюць ад яго блізкія людзі – не падарункаў, а адносін. Менавіта не матэрыяльныя рэчы, а пачуцці, што вельмі важна ў блізкіх сямейных адносінах.
   3. Падарункі не галоўнае, галоўнае прыхавана ў іншасказальным сэнсе радкоў – адносінах героя да сваёй сям’і, усеабдымнай любові да сваякоў, а асабліва да маці.
   4. Галоўны чалавек у жыцці – матуля. Для яе самы галоўны падарунак – вяртанне сына дадому, сустрэча з ім і яго любоў і ўвага.

Комментарии (0)

Нет комментариев. Ваш будет первым!