Пушчанскія дарогі маюць крутыя павароты, якія ў народзе называюць цешчынымі языкамі. На адной з дарог на працягу трох кіламетраў нехта налічыў аж дваццаць восем паваротаў.
Згодна з легендай, пракладваючы дарогу, рабочыя стараліся абыходзіць магутныя пушчанскія дрэвы, каб не сячы іх. Калі ў пушчу прыехаў кароль, майстар, што адказваў за будаўніцтва, спалохаўся не на жарт. Акрамя паваротаў, на дарозе сустракаліся ямы ды ўхабы.
Кароль прывёз з сабою дзвюх паненак-прыгажунь. Ехаў ён, седзячы паміж імі, і на кожным павароце караля прыціскала то да адной паненкі, то да другой. Прыгажунь гэта вельмі весяліла. На прыпынку кароль паклікаў да сябе майстра. Трасучыся ад страху ў чаканні кары, той падышоў да карэты. А кароль узнагародзіў яго падарункам, пры гэтым паўшчуваў яшчэ, што паваротаў было малавата.
(Паводле В. Семакова)
Похожие статьи:
Язэп Пушча → Язэп Пушча - Раніца
Биографии → Язэп Пушча
Язэп Пушча → Язэп Пушча - Сяўба
Язэп Пушча → Язэп Пушча - Раніцу шчэбет пільнуе ...
Язэп Пушча → Язэп Пушча - На возеры
