Вясною яна адна з першых распускаецца. Яшчэ многія дрэвы голыя стаяць, а рабінка ўжо тонкімі карункамі каля дома зелянее.
А як прыгожа цвіце рабіна! Па зялёнай кроне белымі шапкамі раскіданы пышныя суквецці. Прыемны водар ад іх далёка чуецца.
У канцы лета ў прыродзе ўсё пачынае блякнуць і губляць прыгажосць. І тут раптам успыхне рабіна, загарыцца чырвоным полымем. Многія будуць спыняцца і дзівіцца з яе прыгажосці.
Восенню каля дрэўца ўвесь час будуць трымацца розныя птушкі. Яны будуць ласавацца сакавітымі ягадамі, дзякаваць звонкімі галасамі за смачны пачастунак.
(86 слоў)
(Паводле Р. Ігнаценкі)
Похожие статьи:
Рыгор Ігнаценка → Рыгор Ігнаценка - Пасадзіце рабінку
Яўген Крупенька → Яўген Крупенька - Рабінка
Пераказы, дыктанты → Рабіна
Пераказы, дыктанты → Прыгажуня рабіна
Алесь Пісьмянкоў → Алесь Пісьмянкоў - Рабіна над вірам
