Імператар Напалеон пакінуў след у гісторыі агнём і мячом. Мастак і кампазітар Напалеон Орда пакінуў след мірным мастацтвам.
Напалеон Орда нарадзіўся ў маёнтку Варацэвічы (цяпер вёска ў Іванаўскім раёне Брэсцкай вобласці). Першую адукацыю атрымаў дома і ў Свіслацкай гімназіі. Пасля была вучоба на фізіка-матэматычным факультэце Віленскага ўніверсітэта.
Як актыўны ўдзельнік паўстання ў першай палове дзевятнаццатага стагоддзя на Беларусі і ў Польшчы, Орда быў вымушаны з’ехаць за межы радзімы. Амаль на чвэрць стагоддзя прытулкам яму стаў Парыж.
Тут малады чалавек выявіў асаблівыя здольнасці ў музыцы і жывапісе. Ён нават быў дырэктарам Італьянскай оперы ў Парыжы.
Але яго заўсёды цягнула на радзіму. Калі расійскім урадам была абвешчана амністыя былым паўстанцам, ён вярнуўся ў родныя Варацэвічы. Орда абышоў і аб’ездзіў усю Беларусь, адкрываючы для сябе яе прыгажосць і непаўторнасць. Усё ўбачанае – храмы, палацы, замкі, сядзібы, гарады, мястэчкі – натхнёна замалёўваў, каб захаваць для нашчадкаў.
Няўмольны час знішчыў многія гістарычныя і архітэктурныя помнікі Беларусі, але яны захаваліся на цудоўных малюнках Напалеона Орды.
(160 слоў)
Паводле У. Мазго
Похожие статьи:
Пераказы, дыктанты → Сумленны патрыёт
Уладзімір Арлоў → Уладзімір Арлоў - Сны імператара
