Стаяць на зямлі Беларусі помнікі, абеліскі і мемарыяльныя ансамблі. Сярод іх велічны Курган Славы. Ён узняўся на стагоддзі сімвалам нязгаснай доблесці нашых воінаў.
Чатыры штыкі вянчаюць Курган Славы. Яны ўзняты ў гонар чатырох франтоў. Воіны гэтых франтоў бліскуча правялі аперацыю «Баграціён» і вызвалілі Беларусь ад гітлераўскіх захопнікаў.
На Курган Славы зямлю прывозілі з гарадоў-герояў і з усіх памятных мясцін нашай краіны.
З вяршыні Кургана Славы адкрываецца цудоўны краявід. Вакол раскінуліся палі, узгоркі, шырокія стужкі дарог. І кожны, хто ідзе або едзе міма, абавязкова спыніцца ля помніка, удзячна схіліць галаву перад нязгасным подзвігам воінаў-вызваліцелей.
(95 слоў)
(Паводле Б. Стральцова)
Похожие статьи:
Янка Купала → Янка Купала - Курган
Янка Купала → Янка Купала - Сон на кургане
Казкі Жыцця → Якуб Колас - Адзінокі курган
Пераказы, дыктанты → Курганы
Анатоль Грачанікаў → Анатоль Грачанікаў - На Палессі...
