Круглы год жывуць у лесе крыжадзюбы – незвычайныя птушкі, сваімі паводзінамі і афарбоўкай падобныя на папугаяў. Дзюба птушкі, выгнутая ў розныя бакі, дазваляе спрытна лушчыць яловыя шышкі, выцягваючы з-пад лускавінак смачнае насенне.
Дзівосна тое, што крыжадзюбы выводзяць птушанят, калі на зямлі, і на дрэвах, і на краі гнязда ляжыць снег. Як гэтым маленькім камячкам, голым і сляпым, не шкодзяць халады? Справа ў тым, што крыжадзюбы будуюць гнёзды пад аховай ствала ці бліжэй да канцоў галінак, у лапах елак. Верхнія пушыстыя лапы, навісаючы над гняздом, укрываюць яго ад снегападу і моцных вятроў. Гнёзды птушкі ўюць вялікія, з тоўстымі сценкамі. Для каркаса выкарыстоўваюць пруцікі, лішайнікі, імхі, сухую траву і пер’е. Так што марозу і холаду ніяк не прабіцца ў гняздо.
(Паводле Я. Галубовіча)
Похожие статьи:
Янка Брыль → Птушкі i гнёзды. Гнёзды за дымам. Аповесць другая
Пераказы, дыктанты → Птушкі шчасця
Янка Брыль → Раман Янкі Брыля "Птушкі і гнёзды". Вобраз Алеся Руневіча
Янка Брыль → Птушкі i гнёзды. Сцюдзёны вырай. Аповесць першая
Янка Брыль → Увесь свет — адзін дом (па раману Янкі Брыля "Птушкі i гнёзды")
