Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Вожык

   Вожыкі жывуць ва ўсіх мясцінах Беларусі. Іх можна сустрэць у садзе, парку, непадалёку ад хлява для свойскай жывёлы. Гэта адзін з самых адважных звяркоў. Ён не спяшаецца ўцякаць, калі сустрэне каго-небудзь на сцяжынцы. Натапырыць свае вострыя калючкі і сярдзіта пыхкае. Калі ж крыўдзіцель нападзе, звярок умомант згорнецца ў клубок. Няшмат знойдзецца ахвотнікаў пагуляць з такім калючым мячыкам.
   Вожык – смелы паляўнічы. Ён знішчае шкодных жукоў, слімакоў, бурыць мышыныя і кратовыя гнёзды. Ніколі не абміне гадзюку. Змяя ўмела бароніцца, але вожыка надзейна засцерагаюць вострыя калючкі.
   Вожыкі нараджаюцца з іголкамі. Аднак напачатку яны мяккія і белыя. Замест іх праз два-тры тыдні вырастаюць цёмныя і калючыя. Вожычыха старанна даглядае сваіх дзяцей, водзіць іх за сабою амаль цэлае лета.
   Малако для вожыка – самы смачны ласунак. Сподачкам сырадою звярка лёгка прыручыць. Але малако шкодзіць вожыкаваму здароўю, калі наліваюць яго шмат.
   Найлепш звяроў і птушак зусім не прыручаць і не рабіць ім ніякай крыўды. Тады яны заўсёды будуць жыць з намі ў блізкім суседстве і добрай згодзе.
(161 слова)

(Паводле У. Ягоўдзіка)

 

 

   Вожык жыве ва ўсіх мясцінах Беларусі, а найчасцей у лесе. Некаторыя не цураюцца жыхарства ў горадзе ці вёсцы. Іх можна ўбачыць у садзе, парку, каля хлява свойскай жывёлы.
   Вожык вельмі адважны звярок. Ён не спяшаецца ўцякаць, сустрэўшы каго-небудзь на сцяжынцы. Натапырыць свае вострыя калючкі і сярдзіта пыхкае. Баронячыся ад нападу, звярок згортваецца ў клубок. Няшмат знойдзецца ахвотнікаў пагуляць з такім калючым мячыкам.
   Вожык – самы адважны паляўнічы. Шмат знішчае ён шкодных жукоў, слімакоў, бурыць кратовыя норы. Асабліва зацята змагаецца з паўзучымі гадамі. Ніколі не абміне гадзюку. Ён спачатку імкнецца пашкодзіць, перакусіць ёй хрыбет. Гадзюка ўмела бароніцца, пагрозліва сыкае, стараецца ўкусіць звярка. Вожыка надзейна бароняць вострыя калючкі, і ён звычайна перамагае.
(110 слоў)

(Паводле У. Ягоўдзіка)

 

Похожие статьи:

Алесь ЯкімовічАлесь Якімовіч - Казка пра смелага вожыка

Пераказы, дыктантыВожык

Казімір КамейшаКазімір Камейша - Колькі ў вожыка калючак

Алесь БадакАлесь Бадак - Гасцінец для вожыка

Артур ВольскіАртур Вольскі - Вожык-дзівачок