Стадыён «Барысаў-арэна» – прадмет гонару спартыўнай супольнасці. Самая сучасная футбольная арэна Беларусі пабудавана ў Барысаве, дзе знаходзіцца наймацнейшая каманда краіны.
У кастрычніку 2012 года БАТЭ ў самым прэстыжным футбольным турніры Еўропы абыгрывае «Баварыю» на стадыёне «Дынама» ў Мінску. Ужо тады было разуменне: БАТЭ заслугоўвае свой новы дом.
Трэба было стварыць футбольны стадыён, які дазволіў бы балельшчыкам адчуць дыханне гульні. «Барысаў-арэна» разлічана на трынаццаць тысяч месцаў, тут могуць адбывацца матчы любога ўзроўню.
Дах стадыёна звонку абліцаваны металічнымі лістамі, а знізу закрыты архітэктурным тэкстылем, які хавае канструкцыі. У дах уманціраваны пражэктары для асвятлення гульнявога поля. Траву газона штодзень падстрыгаюць, каб забяспечыць ідэальны дыван для правядзення гульняў.
Сучасная сістэма бяспекі, больш за сто пяцьдзясят камер сачэння, дах над галавой – усё адпавядае самым высокім міжнародным стандартам. Арэна настолькі незвычайна выглядае знадворку, што яе ўжо паспелі ахрысціць лятучай талеркай.
Сёння «Барысаў-арэна» – галоўны футбольны стадыён краіны. Штогод сюды прыязджаюць самыя моцныя каманды. У сусветным рэйтынгу па выніках 2014 года «Барысаў-арэна» ўвайшла ў дзясятку найлепшых стадыёнаў планеты.
(160 слоў)
Паводле А. Калеснікава
Похожие статьи:
Станіслаў Шушкевіч → Станіслаў Шушкевіч - Звярыны стадыён
