Каля зоркі зорка
Уніз глядзіць, мігціць;
Каля горкі горка
Снегам зіхаціць.
На гасцінцы скрогат,
На прысадах інь,
Чутна воўчы рогат...
Глуш, дзе вокам кінь.
Цягнецца каняжка,
Сані – за канём;
Янка пад сярмяжкай
На санях клубком.
Сіверна, марозна,
Забірае дрож,
Пырхае трывожна,
Толькі жыў гнядош.
Неба залаціцца,
Пад санямі шум;
Многа Янцы сніцца
Ў гэту ночку дум...
Аб спакойнай вёсцы,
Аб кутку сваім,
Аб вясне, аб сонцы,
Аб жыцці другім.
Міла ў думках брэдзе,
Цешыцца праз сон,
Але ці даедзе?
Ці даедзе ён?..
1909
Похожие статьи:
Пераказы, дыктанты → Веснавая ноч
Пераказы, дыктанты → Начное жыццё
Янка Купала → Янка Купала - Пясняр беларускага народа
Максім Багдановіч → Максім Багдановіч - Ноч
Рыгор Ігнаценка → Рыгор Ігнаценка - Сон у лесе
