Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Янка Купала - Зімовая ноч

Каля зоркі зорка
Уніз глядзіць, мігціць;
Каля горкі горка
Снегам зіхаціць.
 
На гасцінцы скрогат,
На прысадах інь,
Чутна воўчы рогат...
Глуш, дзе вокам кінь.
 
Цягнецца каняжка,
Сані – за канём;
Янка пад сярмяжкай
На санях клубком.
 
Сіверна, марозна,
Забірае дрож,
Пырхае трывожна,
Толькі жыў гнядош.
 
Неба залаціцца,
Пад санямі шум;
Многа Янцы сніцца
Ў гэту ночку дум...
 
Аб спакойнай вёсцы,
Аб кутку сваім,
Аб вясне, аб сонцы,
Аб жыцці другім.
 
Міла ў думках брэдзе,
Цешыцца праз сон,
Але ці даедзе?
Ці даедзе ён?..
 
1909

 

Похожие статьи:

ПераказыВеснавая ноч

ПераказыНачное жыццё

Рыгор ІгнаценкаРыгор Ігнаценка - Сон у лесе

Максім БагдановічМаксім Багдановіч - Ноч

Янка КупалаЯнка Купала - Пясняр беларускага народа