Эх ты, Нёман-рака!
Ці ты думаў, ці сніў,
Як слязу бедака
Ў свае воды лавіў;
Як стаяў над табой
Сын нядолі худы
І над цёмнай вадой
Спяваў песні нуды, –
Што надыдзе пара –
Знемажэнне міне,
Вызвалення пара
Над народам блісне?
Што з балючых грудзей
Беларусі дзяцей
Над табой загудзе
Песня вольных людзей?
Капыль, 1909
Крыніца: Гартны Ц. Збор твораў. У 4 т. Т. І: Вершы, 1909-1935. Апавяданні 1909-1927. Аўт. прадм. С. Александровіч. – Мн.: Маст. літ., 1987. – 438 с.
Похожие статьи:
Пераказы, дыктанты → Берагам Нёмана
Пераказы, дыктанты → Старанная праца
Пераказы, дыктанты → Гімн жыццю
Пераказы, дыктанты → Каля Нёмана
Пераказы, дыктанты → Празрыстая пара восені
