Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Ніл Гілевіч - Асвенцім

«Нас тут было чатыры міліёны!» –  
Крычыць жахлівы надпіс са сцяны. 
«Усім, усім падпальшчыкам вайны 
На ўсе вякі мы шлём свае праклёны!
 
Нас з’еў агонь – чатыры міліёны 
Мужчын, жанчын, дарослых і дзяцей. 
Скажыце: дымам з вогнішча касцей 
Сягоння свет ужо не заімглёны?
 
Скажыце – мёртвыя, мы хочам знаць: 
З жаночых кос, як таннай сыравіны, 
Ужо не ткуць сягоння мешкавіны 
І дываноў, каб ногі выціраць?
 
А каб мільёнамі не паміраць –
Вы знаеце, што вы рабіць павінны?»

1964-1965 гг.

 

Похожие статьи:

ССанет

Максім БагдановічМаксім Багдановіч - Санет (Паміж пяскоў Егіпецкай зямлі...)

Максім БагдановічМаксім Багдановіч - Санет (Замёрзла ноччу шпаркая крыніца...)

Янка КупалаЯнка Купала - Для зямлі прадзедаў маіх...

ВВянок санетаў