Пушчай ідзеш ці пусткаю,
Дома, ў чужой зямлі,
Песня, будзь беларускаю
I пад вясельнай хусткаю
I ў баявым шынялі.
Людзі з вуснаў у вусны
Прымуць, перададуць,
Толькі будзь праўды лустаю,
Толькі сабою будзь.
Хмелю густую брагу,
Белы убор калін,
Сонца ліпнёвых ягад,
Нівы тугі наліў, –
Несла ты сцежкай грузкаю,
Вузкай, без каляін...
З вогненнай ператрускаю
Выйшла ў свет беларускаю,
Як цябе ні клялі.
1973
Крыніца: Лужанін М. Збор твораў. У 4-х т. Т. 3. Падарожныя нізкі; Вершы 1966-1973; Як нараджаўся новы свет; Рэпартаж з рубцом на сэрцы. – Мінск: Мастацкая літаратура, 1981. – 512 с.
Похожие статьи:
В → Вясельныя песні
В → Валачобныя песні
Ян Чачот → Ян Чачот - Песні і балады
П → Песня
В → Восеньскія песні
