Леанід Дайнека - Зімовая элегія

Вечар за пазухай поўню трымае,
Паказваць скалелай зямлі не хоча.
Па дрогкіх рэйках бягуць трамваі,
У цемры гараць электрычныя вочы.

Снег на зямлю баіцца ўпасці.
Пад сінім ільдом халадзее планета.
Шчасця няма. Ёсць сум аб шчасці.
Хопіць і гэтага для паэта.

Похожие статьи:

Аркадзь Куляшоў → Аркадзь Куляшоў - Элегія

Э → Элегія

Пімен Панчанка → Пімен Панчанка - Прысніўся сон

Максім Багдановіч → Максім Багдановіч - Не кувай ты, шэрая зязюля...

Максім Танк → Максім Танк - Ой, не гніце, ветры