Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Кастусь Жук - Шпак купіў магнітафон

Мне прысніўся дзіўны сон:
Шпак купіў магнітафон.
Ён, усеўшыся на грушу,
Інтэрв’ю бярэ у птушак:
– Адкажы мне, ды жвавей,
Што спяеш нам, салавей?
Ці прыпеўкі, ці раманс?
Стаць славутым маеш шанс.

Салавей сумеўся:
– Што вы?
Сёння пець я не гатовы.
Паспяваў бы я ў ахвоту,
Ды не ўзяў з сабою нотаў.

– Ты што скажаш, верабей?
– Пець шчыглу – куды прасцей:
Ён без нотаў зацягнуць
Можа песню пра вясну.
– А што думаюць удоды?
– Падпяваць шчыглу мы згодны.
– Вось і добра!
Мы ж усе
Вам паможам пакрысе.

Шчоўкнуў шпак магнітафонам –
I азваўся сад зялёны
Галасамі вераб’я,
I шчыгла, і салаўя.

Нават жаваранак з неба
Звонка падцягнуў, як трэба,
Аж пусціліся у скокі
Тры сініцы, дзве сарокі.

З лесу чорны дрозд паспешна
Прыляцеў паслухаць песню,
Не ўтрымаўся – свіснуў сам.
Вольна ўсім тут галасам!..

Я прачнуўся. Сад звінеў:
Кожны птах на дрэве пеў.
Зразумеў я: то не сон –
Шпак купіў магнітафон.

 

Похожие статьи:

Янка ЖурбаЯнка Журба - Шпак

Яўген КрупенькаЯўген Крупенька - Шпак

Пераказы, дыктантыБясхвосты шпак

Генадзь БураўкінГенадзь Бураўкін - Шпак спявае

Пераказы, дыктантыШпак