Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Карусь Каганец - Кабзар

Ой, вецер шуміць, ой, вецер гудзе,
А цераз поле чалавек ідзе,

Ой, полем ідзе,
I штось ён нясе.

I хлопец яго за руку вядзе.

Ой, праз поле хлопец старца вядзе.
Які гэта старац з хлопцам ідзе?

То кабзар ідзе
I кобзу нясе,

А хлопец за руку к вёсцы вядзе.

У вёску прыйшоў, на прызбе ён сеў
I ціха людзям спяванку запеў,

У круг людзі стаяць,
На старца глядзяць,

Бо да душы бедным людзям запеў.

Галавою добрым людзям кіўне.
Грудку старую шырока надзьме.

У струны ўтне,
Слова дабярэ

I песню старую свету пяе.


1910 г.
 


Крыніца: Каганец К. Творы / [Уклад., прадм. і камент. С. Александровіча]. – Мн.: Маст. літ., 1979. – 264 с.

 

Похожие статьи:

Карусь КаганецКарусь Каганец - Старажовы курган

Карусь КаганецКарусь Каганец - Прылукі

Карусь КаганецКарусь Каганец - Парада

Карусь КаганецКарусь Каганец - Скрыпач і ваўкі

Карусь КаганецКарусь Каганец - Модны шляхцюк