Еўдакія Лось - Лясная музыка

Столькі салаўінай
Музыкі чуваць,
Што пад тую музыку
Можна танцаваць!

Можна захапляцца
Цеплынёю рук,
Слухаць дарагога
Сэрца гулкі стук.

I забыцца можна
Аб любой бядзе,
Аб слязе, што родзіцца
Невядома дзе...

Поўная гучання,
Ладу, пекнаты,
Музыка лясная,
Не сціхала б ты!

1962

Похожие статьи:

Пераказы, дыктанты → Музыка

Пераказы, дыктанты → Зрабі гучней!

Пераказы, дыктанты → «Апасіяната»

Пераказы, дыктанты → Музыка

Якуб Колас → Служэнне народу — асноўны абавязак мастака. Паэма «Сымон-музыка»