Анатоль Грачанікаў - Вячэра

Ляцелі
Дзве цяцеры,
Шукаючы
Вячэры,
Глядзелі
Зверху ўніз.
I раптам
Бачаць:
Ліс
Ім лапаю
Махае,
У госці
запрашае.

Адна
Цяцера
Смела
На палянку
Села.
Другая –
Не схацела,
Галоднай
Паляцела.
Галоднай
Начавала,
Сяброўку ўсё
Чакала.
Але няма
З гасцёўкі
I сёння
Той сяброўкі.

Похожие статьи:

Янка Брыль → Птушкі i гнёзды. Сцюдзёны вырай. Аповесць першая

Янка Брыль → Птушкі i гнёзды. Гнёзды за дымам. Аповесць другая

Янка Брыль → Раман Янкі Брыля "Птушкі і гнёзды". Вобраз Алеся Руневіча

Янка Брыль → Увесь свет — адзін дом (па раману Янкі Брыля "Птушкі i гнёзды")

Пераказы, дыктанты → Птушкі шчасця