Увага!!! Невялікія апавяданні і вершы пададзены ў поўным варыянце.

Філасафема

   Філасафема - філасофскае пытанне або даследаванне, мудрае выказванне, меркаванне.
   Тэрмін выкарыстоўваўся ў філасофскай літаратуры для абазначэння асноўнага палажэння, філасофскай ідэі, якая ляжыць у аснове якога-небудзь вучэння. Напрыклад, Струве называе асноўнай філасафемай сацыялізму палажэнне аб залежнасці дабра і зла ў чалавеку ад знешніх умоў.
   З часам філасафемай сталі называць кароткую фразу, сцвярджэнне, уведзенае якім-небудзь філосафам і якое асацыюецца з яго вучэннем, або, у больш шырокім сэнсе любую крылатую фразу, якая мае філасофскі падтэкст, часам нават народную.
   Філасафемай таксама называюць мастацкі вобраз, які мае глыбокі сімвалічны сэнс і неадназначную інтэрпрэтацыю.

Крыніцы артыкулаў:

Рагойша В. П. Літаратуразнаўчы слоўнік: тэрміны i паняцці: для школьнікаў i абітурыентаў – Мінск: Народная асвета, 2009. – 303 с.
Рагойша В. П. Паэтычны слоўнік. – 3-е выд. – Мінск: Беларуская навука, 2004. – 576 с.
Слоўнік лінгвастылістычных і тэксталагічных тэрмінаў. Складальнікі: Абабурка М. В., Казімірская Т. А, Саўчанка В. М. – Магілёў: УА «МДУ імя А. А. Куляшова», 2012. – 284 с.

Тэорыя літаратуры: дапаможнік для студэнтаў філалагічных спецыяльнасцей ВНУ / В.І. Яцухна; Міністэрства адукацыі Рэспублікі Беларусь, Гомельскі дзяржаўны універсітэт імя Ф. Скарыны. – Гомель: ГДУ імя Ф. Скарыны», 2006. – 279 с.