Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Ёсць іншы свет

   Маё першае знаёмства з прыгожым пісьменствам пачалося з вершаў. Спакушаў рытм і зачароўвала мелодыка нязвыкла падабраных слоў.
   На шчасце, нібы з вышыні неба, мне была паслана «Пагоня» Максіма Багдановіча. Упершыню прачытаўшы жывыя радкі, я задыхнуўся ад іхняй арганнай музыкі. Гэтага, мусіць, было даволі, каб пачаў рыфмаваць сам.
   А потым дапамог і абнадзеіў Купала. Кніжка выбраных твораў з яго партрэтам і кавалачкам чырвонага арнаменту на вокладцы валошкавага колеру ляжала побач з падручнікамі на маім стале, як Біблія перад набожным чалавекам.
   У гадоў чатырнаццаць-пятнаццаць я ўжо ведаў, што беларусы мелі сваю дзяржаўнасць, а пазней з усёю маладою запальчывасцю думаў, як адрадзіць і вярнуць былую дзяржаўную веліч.
   Мне пашчасціла зразумець, што ёсць іншы свет, да якога трэба ўсімі сіламі цягнуцца і падымацца. Толькі бязмерная вера і гарачае спадзяванне, як на крыллі, нясе чалавека да жаданай мэты.
   Усе кніжкі мае – гэта пошук чагосьці неабходнага ў жыцці – кахання, чалавечнасці, праўды, узаемнай павагі, запрацаванага акрайца хлеба.
(150 слоў)

Паводле В. Адамчыка

 

Похожие статьи:

Вячаслаў АдамчыкВячаслаў Адамчык - Голас крыві брата твайго

Вячаслаў АдамчыкВячаслаў Адамчык - Пагарэльцы

Вячаслаў АдамчыкВячаслаў Адамчык - Дзікі голуб

Вячаслаў АдамчыкВячаслаў Адамчык - На тутэйшай зямлі

Вячаслаў АдамчыкВячаслаў Адамчык - Сонечны зайчык