Найти на сайте: параметры поиска

Увага!!! Невялікія апавяданні і вершы пададзены ў поўным варыянце.

Набыць беларускія кнігі можна на сайце halijafy.by

  Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Экалагічная сцежка

   У Бярэзінскім запаведніку для наведвальнікаў створана спецыяльная экалагічная сцежка. Яе даўжыня – тры кіламетры. Калі прайсці гэтай сцежкай, то можна даведацца пра ўсе прыродныя комплексы, якія тут існуюць.
   Першыя крокі па экалагічнай сцежцы мы робім пад ценем вечназялёнай хвоі. Ялінкі нагадваюць пра сем тысяч гектараў яловага лесу ў запаведніку. Хутка ельнік пераходзіць у лес змешанага тыпу, дзе растуць сосны, бярозы, ляшчына, на якой У жніўні выспяваюць смачныя арэхі. Вось кармушка для дзікіх жывёл, змайстраваная леснікамі. Зімой сюды заходзіць еўрапейскі высакародны алень.
   Сцяжынка выходзіць на ўзлесак, дзе ўсё лета квітнеюць лекавыя зёлкі. Сваім водарам яны прыцягваюць насякомых: чмялёў, пчол, матылькоў.
   Экалагічная сцежка прыводзіць на балота. Паветра тут задурманена водарам багуну. Каля шасці тысяч гадоў назад на гэтым месцы было возера, якое, паступова зарастаючы, ператварылася ў суцэльную багну з пушыстым дываном імхоў.
   На экалагічнай сцежцы студэнты і школьнікі атрымліваюць найцікавейшыя ўрокі пад адкрытым небам.
(143 словы)

Паводле С. Гук.

Похожие статьи:

ПераказыБярэзінскі запаведнік

ПераказыАхова навакольнага асяроддзя

ПераказыКупалаўскі мемарыяльны запаведнік

ПераказыЛёгкія Еўропы

ПераказыПрыпяцкі запаведнік