Найти на сайте: параметры поиска

Увага!!! Невялікія апавяданні і вершы пададзены ў поўным варыянце.

Набыць беларускія кнігі можна на сайце halijafy.by

  Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Чырвоны капялюшык

   Немагчыма ўявіць запаведны лес без настойлівага «тук-тук». Сядзіць на высокай сасне беласпінны дзяцел у чырвоным капялюшыку і дзюбай старанна грукае па кары дрэва.
   Дзяцел – разумная і прыгожая птушка! У кары дрэва ён адшуквае шкодных насякомых і тым самым лечыць расліну. Больш за ўсё шкоднікаў у старой гнілой драўніне, трухлявых пнях. Цікава, што ярка-чырвоны капялюшык мае толькі дарослы самец, у самачкі верх галавы чорны, адсутнічае чырвоны колер і ў моладзі.
   Беласпінны дзяцел разам з трохпалым і зялёным таксама знаходзіцца пад аховай дзяржавы, бо занесены ў Чырвоную кнігу. Усяго ў Бярэзінскім біясферным запаведніку гняздуецца сем відаў дзятлаў. Самая шматлікая каманда вялікіх стракатых дзятлаў. Гэта дружная кампанія штогод выдзёўбвае ўсё новыя і новыя гнёзды, у якіх пасля знаходзяць сабе жытло сычы, шпакі, сініцы і іншыя птушкі з атрада вераб’іных. У пустых дуплах пасля дзятлаў селяцца кажаны, вавёркі і соні.
(138 слоў)

Паводле С. Гук.