Найти на сайте: параметры поиска

Увага!!! Невялікія апавяданні і вершы пададзены ў поўным варыянце.

Набыць беларускія кнігі можна на сайце halijafy.by

  Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Цюльпаны

   У нашым горадзе амаль ва ўсіх гародчыках цвілі цюльпаны. Яны былі чырвоныя, жоўтыя, ружовыя, пунсовыя, крэмава-белыя. Пад вокнамі кожнай хаты ківаліся тугія бутоны, якія ў адзін з сонечных дзён раскрываліся. Тады ад яркіх чаш нельга было адарваць вочы.
   Цюльпаны зрабіліся галоўнымі кветкамі тутэйшых гаспадынь. Некаторыя градкі закрываліся шклом, і цюльпаны пад ім зацвіталі намнога хутчэй. Заморскія кветкі ўзраслі на гэтай зямлі вельмі добра. Яны красаваліся пад нязыркім сонцам, закрываліся ў непагадзь. Іх было так шмат, што некаторыя вылазілі на сцежкі, хіліліся пад ногі людзям. Былі сярод гаспадынь такія, у якіх расцвіталі незвычайныя цюльпаны. Сярод іх можна было ўбачыць пярэстыя, з доўгімі венчыкамі, падобныя да лілей.
   У адным гародчыку цвілі жоўтыя зорчатыя кветкі. На другой градцы раслі амаль чорныя. З гэтых чорных цюльпанаў найбольш дзівіліся. Сапраўды, радок чорных цюльпанаў у жоўтай рацэ здаваўся цудам. Да іх хацелася дакрануцца, панюхаць, зазірнуць у глыбіню чашы.
(143 словы)

Паводле А. Кажадуба.

Похожие статьи:

ПераказыКолер кветак

ПераказыВодар дзядоўніку

ПераказыЯпонская ружа

ПераказыДзед

ПераказыДзіўныя кветкі