У аграгарадку Глінішча Хойніцкага раёна многае нагадвае пра тое, што тут нарадзіўся і жыў Іван Мележ. Аўтобусны прыпынак з партрэтам знакамітага пісьменніка, школа, якая носіць яго імя. А таксама шыльдачка на хаце, дзе жылі яго бацькі, вырабленыя з дрэва постаці Васіля і Ганны, якія сустракаюць гасцей ля ўвахода ў музей Івана Мележа.
У музеі можна пачуць голас Івана Мележа ў запісе, паслухаць цікавыя аповеды тых, хто асабіста ведаў пісьменніка. Напрыклад, пра тое, як ён прысылаў дзецям мандарыны на Новы год.
Гэта месца павінна спадабацца тым, хто захапляецца не толькі літаратурай, але і народнай культурай. Ложкі, засланыя тканымі дыванамі, вышытыя сурвэткі на сталах і падушках. Побач стаяць калаўрот з запраўленымі ніткамі, самаробныя драўляныя начоўкі, маслабойка. Паляшук Мележ ніколі не забываў пра родную вёску, простых сялян і пісаў пра іх нялёгкае жыццё на балоце.
(135 слоў)
Паводле Л. Мінкевіч.
Похожие статьи:
Іван Мележ → Беларуская вёска ў часы калектывізацыі ў рамане Івана Мележа "Людзі на балоце"
Іван Мележ → Іван Мележ - Спатканне за горадам
Іван Мележ → Іван Мележ - Здарэнне
Іван Мележ → Палеская хроніка. Людзі на балоце. Частка першая
Іван Мележ → Васіль Дзяцел і Ганна Чарнушка як мастацкія тыпы ў рамане Івана Мележа "Людзі на балоце"
