Найти на сайте: параметры поиска

Увага!!! Невялікія апавяданні і вершы пададзены ў поўным варыянце.

Набыць беларускія кнігі можна на сайце halijafy.by

  Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Сіла мастацтва

   Мастацтва – гэта перш за ўсё пачуццё, а затым ужо думка. Думка і пачуццё знаходзяцца паміж сабой у такой залежнасці, як плод і кветка. Як бы ні цанілі плод, усё ж такі першай з’яўляецца кветка. Мастацтва павінна ўваходзіць у душу чалавека праз пачуццё і такім шляхам будзіць яго думку, жывіць яго розум.
   Каторы ўжо раз гляджу камедыю «Паўлінка» Янкі Купалы і не магу ўспрымаць яе без хвалявання, без адчування нейкай асаблівай радасці, сонечнага святла. Колькі ж у гэтым спектаклі роднага! І як хораша, з якой любоўю паказана тут душа беларуса з яго прыроднай дасціпнасцю і багатым гумарам, з яго шчырай весялосцю і цягавітай працавітасцю.
   Дзякуй жа табе, неўміручы Купала, за гэту высокую, святую радасць! Дзякуй табе, любы народ, за тое, што кожны раз, калі я прыпадаю розумам і сэрцам да тваіх светлых крыніц, я быццам дужэю целам, ачышчаюся, абнаўляюся душой.
(141 слова)

Паводле З. Прыгодзіча.

Похожие статьи:

ПераказыПрызначэнне чалавека

ПераказыПрага ведаў

ПераказыГрошы

ПераказыУ Вязынцы

ПераказыКолеры