Найти на сайте: параметры поиска

Увага!!! Невялікія апавяданні і вершы пададзены ў поўным варыянце.

Набыць беларускія кнігі можна на сайце halijafy.by

  Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Сцяжынкамі Янішчыц

   Калі вы не былі на Палессі, то вы не бачылі Беларусі. Таму абавязкова наведайце і малую радзіму таленавітай беларускай паэткі Яўгеніі Янішчыц на Піншчыне. І хоць нарадзілася яна ў вёсцы Рудка, турыстаў больш чакаюць у суседнім Парэччы. У парэчанскай школе, дзе вучылася і пачала пісаць першыя вершы паэтка, створаны музей.
   Ёсць што паглядзець у Парэччы і акрамя літаратурнага музея. Гэта і цудоўныя краявіды, якія натхнялі Янішчыц. Вас прывабяць і вузкія вясковыя вулачкі, і хуткаплынная маляўнічая рака Ясельда. Цікава будзе наведаць парк вядомага дзяржаўнага і палітычнага дзеяча Рамана Скірмунта з рэдкімі для Беларусі дрэвамі, завезенымі з Амерыкі і Еўропы.
   Прыцягвае Парэчча турыстаў і сваёй экалагічнай сцежкай, музеем-сядзібай палешука канца дзевятнаццатага стагоддзя, збудаваннямі былога завода Скірмунта. Карацей кажучы, наведаўшыся ў Парэчча, вы ўбачыце ў адным месцы ўсе фарбы Палесся.
(132 словы)

Паводле Л. Мінкевіч.