Вёска Збляны назаўсёды ўвайшла ў гісторыю нашай Беларусі як радзіма Антона Раманавіча Жэбрака. Сялянскі хлопец вельмі прагнуў вучыцца. А як вядома, хто добрае жаданне мае, таму сам Бог дапамагае. I Антон Жэбрак пасля заканчэння школы паступіў у знакамітую Маскоўскую сельскагаспадарчую акадэмію імя Ціміразева.
Пройдуць гады, і выхадзец з зэльвенскай вёскі Антон Раманавіч Жэбрак стане акадэмікам, прэзідэнтам Акадэміі навук Беларусі. Ён уздымецца на такую вышыню ў навуцы, што з ім будуць лічыцца ўсе генетыкі свету.
А што за навука генетыка? Яна вывучае спадчыну раслін, арганізмаў, паходжанне і змены, якія адбываюцца з імі. Быў час, калі гэту навуку лічылі шкоднай, непатрэбнай. I можаце ўявіць, што перажыў акадэмік-генетык Антон Раманавіч Жэбрак.
Навуковыя адкрыцці акадэміка Жэбрака цяпер увасабляюцца ў жыцці яго прадаўжальнікамі. У акадэмічным гарадку ў Мінску стаіць бюст славутага вучонага. У Зэльве ёсць вуліца з яго імем.
(136 слоў)
Паводле У. Ліпскага.
Похожие статьи:
Пераказы, дыктанты → Дыпламатыя
Пераказы, дыктанты → Аб чым маўчаць камяні
Пераказы, дыктанты → Памяць
Пераказы, дыктанты → Высокая сталіца
Пераказы, дыктанты → Вяршыня патрыятызму
