Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Скарбонка духоўнасці

   Для кожнага жыхара Беларусі першая нядзеля верасня асаблівая, святочная. У шумлівыя спантанныя размовы школьнікаў уключаецца важкае, выверанае стагоддзямі роднае слова.
   На Беларусі заўсёды шанавалі друкаванае слова. Беларускае кнігавыданне мае больш чым пяцісотгадовую гісторыю. Кожны беларус павінен ведаць, што ў тысяча пяцьсот сямнаццатым годзе ў Празе Францыск Скарына надрукаваў кнігу «Псалтыр». Традыцыі нашага першадрукара плённа прадоўжылі Сымон Будны, Васіль Цяпінскі, Іван Фёдараў, Пётр Мсціславец, браты Мамонічы, Спірыдон Собаль і многія іншыя. Дзе б мы ні знаходзіліся, павінны ганарыцца гэтым, ганарыцца поўным мудрасці і стваральнай энергіі родным словам!
   Важная з’ява ў жыцці краіны, якой можа ганарыцца кожны яе грамадзянін, – адкрыццё Нацыянальнай бібліятэкі Беларусі. Нацыянальная бібліятэка заклікана быць не толькі скарбніцай ведаў, але і важным адукацыйным, інфармацыйным і культурным цэнтрам.
   Істотную ролю выконваюць у нашай краіне сродкі масавай інфармацыі. Цяпер у Беларусі зарэгістравана вялікая колькасць перыядычных выданняў, выходзіць шмат тэлевізійных і радыёпраграм. Як бачым, наша імкненне да асветы, духоўнага ўзвышэння спрадвечнае.
   Таму невыпадкова, што Дзень беларускага пісьменства стаў сапраўдным народным святам, святам кожнага, хто шануе родную мову, культуру і традыцыі. Няхай множыцца скарбонка нашай духоўнасці.
(174 словы)

(Паводле А. Штура)

 

Похожие статьи:

Рыгор КрушынаРыгор Крушына - Слова

ССлова

Пераказы, дыктантыРоднае слова

ІншаеСлова пра паход Ігаравы

Пераказы, дыктантыХто ж аўтар «Слова пра паход Ігаравы»?