Найти на сайте: параметры поиска

Увага!!! Невялікія апавяданні і вершы пададзены ў поўным варыянце.

Набыць беларускія кнігі можна на сайце halijafy.by

  Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Рэкі Беларусі

   Беларусь называюць сінявокаю. Гэта ад мноства вады на нашай зямлі. На Беларусі каля дваццаці адной тысячы рэк і рэчак і каля адзінаццаці тысяч азёр. Нашы рэкі часам бяруць свой пачатак не на зямлі, а ў небе: іх нараджаюць хмары. Ападкі ў выглядзе дажджу і снегу, калі ён растае, становяцца вытокамі нашых рэк і рэчак.
   Аднак беларускія рэкі пачынаюцца не толькі з неба, але і з падземных вод. Б’е, пульсуе з-пад зямлі маленькая крынічка, а ад яе завязваецца, пачынае журчаць такі ж самы маленькі ручаёк. Бывае, што нашы рэкі нараджаюцца ў азёрах, а то і ў балотах.
   Паводле легенд, рака Свіслач нарадзілася са слёз княгіні Рагнеды, якія ператварыліся ў чыстыя крыніцы.
   Якраз у Беларусі знаходзіцца водападзел паміж Чорным і Балтыйскім морамі, які падзяляе нашу тэрыторыю на чарнаморскі і балтыйскі схілы. Адны рэкі сцякаюць па адзін бок водападзела, іншыя – па другі.
(141 слова)

Паводле Я. Сіпакова.