Найти на сайте: параметры поиска

Увага!!! Невялікія апавяданні і вершы пададзены ў поўным варыянце.

Набыць беларускія кнігі можна на сайце halijafy.by

  Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Прага ведаў

   Стала звычкай: пасля заняткаў адразу бягу ў бібліятэку. Як я люблю тыя хвіліны, калі ў светлай зале сядзеш за невялікі столік, абкладзешся кніжкамі і акунешся ў чароўны свет ведаў!
   У зале ціха-ціха. Толькі зрэдку зашалясціць старонка, рыпне крэсла. Нехта на хвіліну адарвецца ад кніжкі, разагне самлелую спіну і зноў возьмецца за працу. Уся гэта творчая атмасфера настолькі захапляе, паглынае ўсяго, што праседзіш цэлы вечар і не заўважыш.
   Не хапае ведаў. Задыхаюся без іх, як без паветра. Толькі яны могуць дапамагчы мне больш глыбока асэнсоўваць розныя факты, падзеі, з’явы, больш ясна разумець жыццё.
   Трэба чытаць і чытаць. Я стаю пакуль што на ўзлеску высокага, магутнага бору. Многія мае аднагодкі пайшлі ў гэты лес ужо далёка наперад. Я ж усё тапчуся на месцы, цераблюся ў дробных кустах. Але не ўсё яшчэ страчана. Можна дагнаць. Трэба дагнаць!
(136 слоў)

Паводле З. Прыгодзіча.

Похожие статьи:

ПераказыУрокі жыцця

ПераказыПрызначэнне чалавека

ПераказыУ Вязынцы

ПераказыКолеры

ПераказыГрошы