Найти на сайте: параметры поиска

Увага!!! Невялікія апавяданні і вершы пададзены ў поўным варыянце.

Набыць беларускія кнігі можна на сайце halijafy.by

  Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Мелодыі крылатых салістаў

   Світанне. Роўная стужка лясной дарогі. Вільготная свежасць паветра настоена водарам начных прыгажунь – белых фіялак; паабапал духмяняцца суніцы, звоняць завяззю чарніцы.
   Нярэдка на золку шэрую цішыню парушае лёгкі ветрык. Вось і цяпер яго подых нясе з берагоў Сергучоўскага канала гаркаватыя мелодыі крылатых салістаў. Раней за іншых сустракае і славіць світанак рыжагрудая заранка. Яе серабрыстая песня абуджае берасцянак, малінавак, драздоў. Не праспалі світанак гаманлівыя зязюлі, пачалі пераклічку галубы. У агністым полымі ўзыходзячага сонца з лясных нетраў ляцяць чароўныя гукі івалгі. Гэта пільная і палахлівая птушка заўсёды трымаецца ў цяністых кустах і рэдка трапляецца на вочы чалавеку. Голас, грацыя, кемлівасць і апярэнне гэтай птушкі нарадзілі ў народзе шчаслівую прыкмету, згодна з якой таго, хто ўбачыць івалгу, чакае вялікая і радасная ўдача ў жыцці. У пералесках і гаях апошнія канцэрты дае салавей, а ў пачатку ліпеня падае голас і зязюля. Сёння ў гнёздах цецерука, глушца, рабчыка, кнігаўкі, бакаса пішчаць жаўтаротыя птушаняты. Выраслі і нядаўна пакінулі сваё жыллё і шпакі.
(158 слоў)

Паводле У. Бутарава.