Варыянт 1 (79 слоў)
Некалькі гадоў назад мой тата прымацаваў на вільчыку хлява старое кола з калёсаў. Яго заўважылі буслы і абсталявалі на ім сваё жытло.
Я вельмі люблю гэтых паважаных, грацыёзных птушак. Буслы мяне таксама любяць, зусім не баяцца. Я гляджу на іх, а яны глядзяць на мяне. Нам усім так добра і прыемна.
Сёлета мая бусліная сям’я павялічылася ў тры разы. У буслоў вывелася ажно чатыры птушаняці. Буслы не маюць ніводнай хвілінкі для адпачынку, бо ім трэба даглядаць дзяцей.
Варыянт 2 (64 словы)
Якая дружная сям’я ў буслоў! Мама з татам стараюцца не абдзяліць буслянят. Яны кормяць кожнага бусліка.
Я вырашыў дапамагчы ім. Налавіў печкуроў і плотак. Пералажыў рыбу ў каструлю. Я залез на страху. Уладкаваў каструлю побач з гняздом. Бусліха зірнула ў каструлю, узяла рыбінку. Яна карміла буслянят рыбай. Я аж падскочыў ад радасці.
Бусліха з буслом весела заклекаталі. Бусляняты задаволена заківалі дзюбамі.
Паводле І. Муравейкі
Похожие статьи:
Пераказы, дыктанты → Адзінота
Пераказы, дыктанты → Выратаваная буслянка
Пераказы, дыктанты → Буслы (Паводле А. Ляўковіч)
Пераказы, дыктанты → Буслы прыляцелі
Пераказы, дыктанты → Буслы над казармай